Imeline kodu ja latsepõli

Mia vaate ja mõtle,

mis oles kui saas

viil kõrras minna tagasi latsepõlve.

Ja pal´lajalu tõiste lastege kuun

juuske üitstõiste võidu rüäkõrde.

Ku saas viil süvvä sedä

ehetet emä kütsetet rüäleibä,

juua pääle värskelt nüssetet lämit

ja vatutevet lehmapiimä.

Pesta kaju man ruhven kuresäärejalgu

ja panna nüssikut kumali aiateiba.

Viil esi kate käege tetä

ja päävä käen kuivate poripätsikut,

mis laia kivipääl kokku mätsitu.

Ristikheinä rõugu all

pikse vihma iist ennest peitä.

Ja keset kummelist lõhnavet usseaida

pikali murupääle eitä.

Käe laiali juuske vastu tuult

ja kaalkooguge tüdrukut otsi üüse kuult.

Ja õdaku sängin pikali sääl

kullete esä raamatu lugemise äält.